दूध धंद्यावर बोलू काही – मुक्त गोठा आणि चांगल्या दुग्ध-व्यवसायासाठी युक्ती

मुक्त गोठा आणि त्याचे महत्त्व या विषयी पॉवरगोठा मधून बरेचदा लिहिले आणि बोलले गेले आहे. मुक्त गोठ्याविषयी अधिक माहिती, फोटो मिळावे या साठी भरपूर पशुपालक मित्रांचे संदेश, ई-मेल, वेबसाईट वर कमेंट रुपी विनंत्या आल्या आहेत. 

चांगल्या दुग्ध-व्यवसायासाठी मुक्त गोठा आणि सोप्या युक्ती (Dairy Farming Maharashtra)

आज मुक्त गोठ्यामधील छोट्या परंतु भरपूर लाभदायक १ युक्ती तुम्हांला सांगू इच्छितो.

सांगू ना ?

मुक्त गोठ्यात गाई संभाळल्यामुळे गाई निरोगी राहतात असे आम्ही म्हणतो.

का ? ते ठाऊक आहे का ?

अर्थातच याआधी सांगितलेल्या आणि वेबसाईट वर लिहिलेल्या गोष्टी – गाई स्वच्छंदी, तणावमुक्त राहतात.  नेहमी कोरड्या जागी बसतात त्यामुळे स्वच्छ राहतात. कास ओली होत नाही आणि गाई आजारी पडण्याची शक्यता कमी होते.

शरद बगाटे यांच्या मुक्त गोठ्यातील एक क्षण

दूध धंद्यावर बोलू काही – चांगल्या दुग्ध-व्यवसायासाठी युक्ती (Dairy Farming in Maharashtra Marathi Mahiti)

मुक्त गोठ्यात चुन्याचा उपयोग

1. मुक्त गोठ्या मध्ये केलेल्या गव्हाणी ला आतून चुना मारून घ्यावा. यामुळे पाण्याला शेवाळ लागत नाही. शेवाळ लागलेले पाणी पिल्याने जनावरे आजारी पडण्याची शक्यता असते. चुना मारल्यानंतर ७-८ तास वळवावा आणि मग गव्हाण पाण्यासाठी वापरावी.

मुक्त गोठ्यासाठी उन्हाळ्यात विशेष टीप  (Dairy Farming in Maharashtra Tips)

उन्हाने अंगाची काहिली होत आहे, ४०-४५ अंश सेल्सिअस मध्ये माणसाला जगणे अवघड झाले असून मुक्या जनावरांची काय कथा ? जनावरांना उन्हाचा त्रास कमी करण्यासाठी आपण काय काय करू शकतो.

1. गोठ्यात जर पत्र्याचे शेड असेल तर उन्हामुळे पत्रा तापून जनावरांना त्रास होतो आपल्या जनावरांना उन्हापासून वाचवण्यासाठी पत्र्यावरती चुन्याचे पाणी टाकून लेप द्यावा. सूर्याचे किरण सफेद रंगावरून परावर्तित होऊन पत्रा थंड राहण्यास मदत होते. तेवढ्या प्रमाणात उन्हापासून आपण बचाव करू शकतो.

1. –
2. आपली गव्हाण किंवा पाणी पिण्याची टाकी प्लास्टिक ऐवजी सिमेंट ची असेल तर त्या प्रमाणात पाणी थंड राहण्यास मदत होते.
3. इतके ऊन आहे की, कुठलेही पाणी गरम होण्याची शक्यता आहे. अशा वेळी शक्य असेल तर गव्हाण चार बांबू वापरुन एक छोट्या शेडनेटच्या सावलीत ठेवू शकता. परंतु अशा पाण्याच्या टाकीत सूर्यकिरण पोचत नसल्याने, पुन्हा शेवाळ लागण्याची शक्यता असते. म्हणून खबरदारी एवढीच घ्यावी की ७-८ दिवसांत पाणी पूर्ण बदलावे / टाकी धुवून घ्यावी.

जातिवंत, निरोगी गाई पाळून दुग्धव्यवसाय मध्ये जास्त नफा कमावता येतो

जातिवंत, निरोगी गाई ज्या वर्षभर एका वेताच्या काळात भरपूर दूध देतात आणि सहसा आजारी पडत नाहीत. वेळेवर गाभण राहतात.  ह्या गाईंची फॅट व डिग्री अतिशय चांगली असून, कमी दर असतानादेखील मालकाला त्यांना सांभाळून दूध-धंदा करणे परवडते

आता अशा आदर्श जातिवंत गाई विकत तर कोठेच मिळत नाहीत. त्या आपल्या गोठ्यातच योग्य गोपैदास धोरण राबवून तयार करता येतात. त्यासाठी नियोजन, नोंदी, आणि संयम बाळगण्याची आवश्यकता असते.

या सर्व गोष्टीवर मात करण्यासाठीच तर पॉवरगोठा वेबसाईट चा जन्म झाला आहे. त्या पलीकडे जाऊन जातिवंत गाई तयार करण्यासाठी आम्ही एका उत्कृष्ठ अशा मोबाईल ॲपची निर्मिती केली आहे. सर्व रेतन नोंदी अचूक रित्या करून गाभण खात्री, गाय आटवण्याची आठवण करून देणारा SMS, डिलिव्हरी ची आठवण इ सुविधा

तुम्ही जर ॲप अजून डाउनलोड केले नसेल तर खालील लिंक वरून डाउनलोड करा.

ॲप डाउनलोड करा